Monday, April 12, 2021
spot_img
HomeKRYESORETerritoret Shqiptare nuk kanë pse këmbehen

Territoret Shqiptare nuk kanë pse këmbehen

Shukri YMERI
Shukri YMERI

Kryetar i Lobit Euro-Atlantik Shqiptar 

Lobi Euroatlantik Shqiptar me seli në Gjermani, reagon ndaj deklaratës publike të kryetarit të Komunës së Gjilanit, z.Lutfi Haziri në përkrahje të së  idesë së korrigjimit të kufirit Kosovë-Serbi. Edhe pse kjo temë u duk që “vdiq” ngase mori goditjen e duhur nga partnerët më të rëndësishëm të Kosovës, ShBA-të, Gjermania, Bitania, etj., z. Haziri, me një noshalancë të paparë, përpiqet, që për interesa të armiqve të Kosovës, ta rikthej në debat publik këtë temë, pikërisht kur është caktuar data për takimin e rëndësishëm në Shtëpinë e Bardhë. 

Kosova dhe shqiptarët, nuk kanë nevojë ti këmbejnë territoret e tyre me njëra-tjetrën. Sikurse pjesa veriore e Kosovës, ashtu edhe Lugina e Preshevës, janë territore shqiptare që nuk kanë pse këmbehen. 

Kosova e ka vulosur pavarësinë më 17 shkurt 2008 dhe çdo përpjekke për ta zhbërë këtë arritje madhore të shqiptarëve, është në dobi të projekteve serbo-sllave. 
Deklarta e z. Haziri është qëllimkeqe në vetvete, e pazbatueshme dhe pos tjerash, duket se ka për qëllim dëmtimin e paqes dhe stabilitetit shqiptar e rajonal. 

Z. Haziri duhet ta dijë se vet-pavarësia e Kosovës, në kuadër të kufijve aktual është kompromis i yni, dhe se kufijtë e Kosovës, janë të vendosura me gjakun e qindra-mijërave shqiptarëve të vrarë padrejtësisht nga Serbia në këto 150 vitet e fundit. Vetëm në vitet 1998 dhe 1999 u vranë rreth 14.000 persona, midis tyre, rreth 1500 fëmijë, përfshirë edhe foshnje të porsalindura dhe gra shtatzëna. 

Çdo përpjekje për ti tkurrur më tej tokat e Kosovës, do të merr përgjigjen më të ashpër nga populli i Kosovës, shqiptarët në përgjithësi dhe mërgata e bashkuar.


Me respekt,

Shukri Ymeri Kryetar i Lobit Euro-Atlantik Shqiptar 

spot_img

Most Popular

Recent Comments