Tuesday, July 27, 2021
spot_img
HomeTrendeKombëtareSot 52 vite Republika e Kosovës

Sot 52 vite Republika e Kosovës

Sot janë mbushur 52 vite nga Demonstratat e 27 Nëntorit 1968 në Prishtinë nga të cilat filloi rrugëtimi i krijimit të Republikës.

Jusuf Buxhovi

Ja si i kujton demostratat e nëntorit 1968 profesori dhe historiani Jusuf Buxhovi.

Shtetndërtimi i Kosovës, i mbështetur mbi formulën e barazisë në federatën e atëhershme jugosllave, që praktikisht do të thoshte çlirim nga zgjedha serbe, fillon me demonstratat e nëntorit të vitit 1968, të nisura në Prizren më 5 nëntor dhe të vazhduara në disa qytete, për t’u kurorëzuar me ato në Prishtinë, më 27 nëntor.

Këto demonstrata, ku për herë të parë doli në pah kërkesa për Republikën e Kosovës, ua hapën rrugën ndryshimeve të mëdha që u pasqyruan me themelimin e Universitit të Kosovës në Prishtinë në vitin 1970 si dhe institucioneve të tjera kombëtare, prej nga u ngrit brezi i një intelegjencie arsimore, kulturore dhe politike që mori përsipër proceset e mëtutjeshme të avancimit të pozitës kushtetuese të Kosovës në federatën jugosllave, që do të sankcionohen me ndryshimet kushtetuese të vitit 1974.

Organizatorët e këtyre demonstratave do të mbesin në histori si pjesë e një mekanizmi, që vuri në lëvizje ndryshimet historike, që vazhduan në vitin 1981, në vitin 1989, 1997, 1999 për t’u kurorëzuar me shpalljen e pavarësisë së Kosovës, më 17 shkurt 2008.

via Revista Drini

spot_img

Most Popular

Recent Comments